ﺍﻟﻮﻃﻦ ﺑﺴﺘﺎﻥ ﻭﻓﻠﺢ .. ﻭﺭﻳﺤﺔ ﻋﻨﺒﺮ ﺍﻟﻤﺸﺨﺎﺏ
ﺍﻟﻮﻃﻦ ﻛﺮﻛﻮﺭﺓ ﻃﻔﻞ ﻳﻠﻌﺐ .. ﻭ ﻳﺨﺘﻞ ﻭﺭﻩ ﺍﻟﺒﺎﺏ
ﺍﻟﻮﻃﻦ ﺭﻃﺐ ﺑﺮﺣﻲ .. ﻭﺟﺮﻑ ﻳﺤﻀﻦ ﺍﻟﺨﻨﻴﺎﺏ
ﺍﻟﻮﻃﻦ ﺷﻌﺮ ﺷﻌﺒﻲ .. ﻭﻗﺼﻴﺪﺓ ﻭﻧﻈﻢ ﺳﻴّﺎﺏ
ﺍﻟﻮﻃﻦ ﻭﺍﺩﻱ ﻭﺟﺒﻞ .. ﻫﻮﺭ ﻭﻧﺨﻞ ﻭﺣْﺒﺎﺏ
ﺍﻟﻮﻃﻦ ﺧﺎﻭﻩ ﺍﻟﺤﺰﻥ ﻣﻦ ﺣﺠّﺎﺝ .. ﻭﻟﺴﻪ ﻣﺎ ﻧﻌﺮﻑ ﺍﻷﺳﺒﺎﺏ
ﺍﻟﺴﺒﺐ ﺩﻡ ﺍﻟﻄﻔﻞ ﻭﺣﺴﻴﻦ .. ﻭﻭﻳﺎﻫﻢ ﺟﺜﻴﺮ ﺃﺳﺒﺎﺏ
ﻭﻣﺎ ﻳﻨﻔﻚ ﻫﻠﺤﺰﻥ ﻳﺎ ﻧﺎﺱ .. ﻟﻤﻦ ﻳﻄﻠﻊ ﺇﻣﺎﻡ ﺍﻟﻐﺎﺏ
***
ﺍﻟﻮﻃﻦ ﻧﺎﻱ ﺇﺑﺤﻠﻚ ﻋﺎﺯﻑ ﺗﻮﺍﻟﻲ ﺍﻟﻠﻴﻞ
ﺍﻟﻮﻃﻦ ﻣﻬﺮﺓ ﺇﻣﻌﻀّﻠﻪ ﺇﺗﺴﺎﺑﻚ ﺍﻟﺨﻴﻞ
ﺍﻟﻮﻃﻦ ﻣﺰﻳﻮﻧﻪ ﺇﻣﻌﻄﺮﻩ ﺃﺑﺮﻳﺤﺔ ﺍﻟﻬﻴﻞ
ﺍﻟﻮﻃﻦ ﻛَﻤﺮ ﺻﺎﻓﻲ ﻳﺤﻠّﻲ ﺍﻟﺴﻬﺮ ﺑﺎﻟﻠﻴﻞ
ﺍﻟﻮﻃﻦ ﺧِﻀﺎﺭ ﻭﺳﻤﺎ ﻭﺯﺭﻛَﺔ ﺇﺳﻬﻴﻞ
ﺍﻟﻮﻃﻦ ﻣﺜﻞ ﺍﻟﻤﺮﻳﺾ ﺍﻟﺸﻔﺔ ﻭﺭﺩ ﺑﻴﻪ ﺣﻴﻞ
****
ﺍﻟﻮﻃﻦ ﻛَﻔﻠﺔ ﺇﺣﺪﻳﺜﺎﺕ ﻳﻤﻠﻦ ﻣﺎﻱ
ﺍﻟﻮﻃﻦ ﻗﻴﺜﺎﺭﺓ ﻭﻟﺤﻦ ﺑﺎﻟﻨﺎﻱ
ﺍﻟﻮﻃﻦ ﺭﻳﺤﺔ ﻫﻴﻞ ﻭﺳﻂ ﺍﻟﺠﺎﻱ
ﺍﻟﻮﻃﻦ ﻫﻮﺭ ﻭﺯﻻﻝ ﺍﻟﻤﺎﻱ
ﺍﻟﻮﻃﻦ ﻣﻀﻴﻒ ﻭﻧﺨﻞ ﻭﻓﻴﺎﻱ
ﻭﺑْﻼﻳﻪ ﺍﻟﻮﻃﻦ ﺗﺒﻘﻰ ﺗﻄﻚ ﻫﺎﻱ ﺃﺑﻬﺎﻱ
****
ﺍﻟﻮﻃﻦ ﺭﻣﺎﻥ ﺍﻟﻌﻄﻴﺸﻲ .. ﻭﺑﺮﺗﻘﺎﻝ ﺍﺑﺸﻬﺮﺑﺎﻥ
ﺍﻟﻮﻃﻦ ﺭﻛًﻲ ﺍﻟﻤﻮﺻﻞ .. ﻋﻄﺮ ﺍﻟﻨﺠﻒ ﺑﺎﻟﻠﻴﻮﺍﻥ
ﺍﻟﻮﻃﻦ ﺗﻤﺮ ﺍﻟﻔﺎﻭ .. ﻭﻣﻨﺎﺭﺓ ﺇﺑﻔﻠﻮﺟﺔ ﺍﻟﺸﺠﻌﺎﻥ
ﺍﻟﻮﻃﻦ ﻧﺎﻋﻮﺭ ﺭﺍﻭﻩ ﻭﻫﻴﺖ .. ﺇﺑﻄﺮﻑ ﺑﺴﺘﺎﻥ
ﺍﻟﻮﻃﻦ ﺗﺎﺭﻳﺦ ﺍﻟﺰﻟﻢ .. ﻳﺎ ﻧﻜَﺮﺓ ﺍﻟﺴﻠﻤﺎﻥ
ﺍﻟﻮﻃﻦ ﺃﻡ ﻭﺣﻀﻦ ... ﻟﻠﺨﺎﻳﻒ ﻭﺑﺮﺩﺍﻥ
****
ﺍﻟﻮﻃﻦ ﻳﺎ ﺧﻲ ﻣﻮﺍﻝ ﻭﻗﺼﻴﺪﺓ ﻭﻫﻼﻫﻞ
ﺍﻟﻮﻃﻦ ﻳﺎ ﺑﻴﺖ ﺍﻟﺸَﻌَﺮ ﻳﺎﻗﺼﺮ ﺍﻟﺸﻨﺎﺷﻞ
موضوع: عراق •|`~ 
الإثنين أغسطس 10, 2015 12:41 am
