ديبكآ بادگون

واحدة من اقوى النجمات ع الساحة دلوقتى ومن رأيى ان سنة 2013 كانت سنة حظها لانها عملت فيها 4 افلام ناجحين ف سنة واحدة
ترشيحات الفيلم فير عن افلام 2013 كانت مترشحة دبيكا عن كذا فيلم والجايزة بالنسبالها كانت مضمونة وقد كان وخدتها
رغم شهرتها اللى زادت ف الفترة الاخيرة الا ان محدش يعرف عنها كتير
هى زى اى ممثلة ليها افلام نجحت وبتفتخر بيها وافلام فشلت ومش بتجيب سيرتها زى اى حد
ما علينا نبدأ
الاسم : دبيكا براكاش بادوكون
تاريخ الميلاد : 5 يناير 1986 يعنى عندها 29 سنة
اتولدت ف كوبنهجن ف الدينمارك وبعد كده رجعت بنجالور مع اهلها وكان عندها 11 سنة
ابوها براكاش بادوكون لاعب تنس الريشة
وعندها اخت صغيرة اصغر منها ب 5 سنين اللى كانت ماسكة ايد شاروخان ف كذا حفلة ايام فيلم تشيناى اكسبرس و بعده
دبيكا ف سن المراهقة كانت بتلعب تنس الريشة زى اببوها وكانت بتاخد فيها جوايز كبيرة وبتلعب على مستوى الهند
لحد ما اتجهت للازياء واشتهرت فيها ولما حبت تمثل اهلها مرضيوش ومكنوش موافقين وامها فضلت مخاصماها كتيررر ومصالحتهاش الا بعد نجاح فيلم اوم شانتى اوم
مش عارفة انا ايه الفرق بين عارضة الازياء والممثلة يعنى ما كلهم زى بعض
اول فيلم لدبيكا ف مسيرتها كان فيلم ايشواريا ويمكن ناس كتير متعرفش ده
وفاكرين ان بدايتها كانت مع شاروخان ف اوم شانتى اوم
دبيكا من الممثلات اللى شاروخان شهرها وساعدها كتير ولولاه مكنتش بقت زى ما هى كده دلوقتى وده كلامها هى
بعد اوم شانتى اوم عملت bachna ae haseeno مع رانبير كابور وفى الوقت ده كانوا مرتبطين وبيحبوا بعض لحد ما حصل اعصار كاترينا وبعدين ادى لدبيكا صابونة ومسك ف كاترينا
اظن كلكوا عارفين قصة انفصالهم ولو انى اظن انها لسه بتحبه
لكن يعجبنى فيهم انهم عادى يعنى رغم انهم منفصلين بس مثلوا مع بعض عادى ولا كأن فيه حاجة خالص وعملوا yeh jawaani hai dewani وبيعملوا tamaasha والناس كلها مستنياه بشكل مش طبيعى
بعد bachna ae haseeno عملت chandni chowk to china مع اكشاى كومار وفشل
وبعده love Aaj kal مع سيف على خان وده نجح الى حد ما
وبعدين karthik calling karthik مع فرحان اختر وبرضه نجاحه كان متوسط
وبعده تانى فيلم ليها مع اكشاى house full 1 وده حقق نجاح كبير وقتها
وفيلمها lafangey parindey مع نيل نيتل موكيش وده منجحش خااالص رغم انه كان كويس والله وانا كنت مقتنعة تماما انها فعلا عامية
وبعده كان break ki baad مع عمران خان وده نجح جدا
وبعده فيلمها مع ابهيشك باتشان وكان فيلم سياسى واظن مش كتير يعرفوه غير اللى كان متابع دبيكا كويس او متابع ابهيشك كويس
معظم الافلام اللى عملتها بعد كده كانت كويسة desi boyz و race 2 و cocktail
وف 2012 رجعت تمثل مع شاروخان تانى بفيلم تشيناى اكسبرس بعد رفض كارينا كابور خان للدور
وشاروخان حط اسمها قبل اسمه ف الفيلم
وبعده yeh jawaani hai dewani مع رانبير واديتيا و ram leela مع رانفير سينغ ومن بعده وهما ارتبطوا ومفتكرش انهم هيفضلوا مرتبطين كتير
واخيرا افلامها ف 2014 وكان اولهم finding fanny واللى الاراء اختلفت حواليه لكن اتفقوا على انه اسوأ فيلم ف تاريخها معرفش وافقت عليه ازاى ده حتى سونام رفضته
بس عادى دبيكا لسه عندها فرصه تعك وتصلح
وتانى فيلم كان هابى نيو يير مع شاروخان وابهيشك وسونو سود وبومان ايرانى دورها كان حلو بس مكنش احلى من ادوارها قبل كده مع شاروخان زى ما كنت متوقعة بس اهو كان كويس
افلامها المنتظرة ف 2015 هى piku مع عرفان خان واميتاب باتشن
وباجيراو ماستانى مع بريانكا ورانفير واخراج سنجاى ليلا بنسالى